هذه القصيدة لكل شخص حب وفارق

سلام على الجميع هذه قصيدة وهي من كتاباتي لاهل الحب وعسى ربي لايجيب الفراق اتمنى تعجب الجميع :


بدلـي حـال المـعـذب ياحـيـاه وعدّلـيـه

انذبح من هالزمـن وقـد لقـاه اللـي كفـاه

سبـة احزانـه افـراق كـان متوقـع يجيـه

كـان ينطـق بالفـراق وآه منطوقـه لـقـاه

احـسـاس صـادق هـم حبــه معـتليـه

والدموع الصادقـه هـي تخفـف مـن بـلاه

دمعته تفـزع لقلبـه والوفـاء طبـع النزيـه

وقلـب بنـدر مثـل دمعـه وافـيٍ لاخرمـداه

مانسيته ولو اقول انـي نسيتـه مااقتويه

اختصارالاسـم عنـدي هـي امانـي بالحيـاه

انتصـب ياحـظ تكفـى لاجـل خلـي نلتقيـه

بس خلك لاتقـوم صعـب نبقـى فـي هـواه

ديننا والسلم يمنع كيـف مـع غيـري وابيـه

ودام دينـي هـو نجاتـي بتبعـه درب النجـاه

ولـو تخلينـي السعـاده المهـم انهـا تجيـه

ولورحل عني وهاجـر واغتنـى باللـي معـاه

والله ان كل شـي معـاه وان حياتـي تفتديـه

وليت عمري ماوصـل بـي للفـراق وماتـلاه

كـل يـوم ويشهـد الله ابتـدي بـه وانتهيـه

قوت يومي ذكرياته وماتحلم في سواه

كـل مافينـي تكلـم قـال شفـنـا نحتـريـه

ولو نسانـا مانسينـا دوم نطمـع فـي لقـاه

صوته اللي قد سمعنا الزعـل والضحـك فيـه

ولمسة ايده صبح سبت والـورد اول ماعطـاه

قالي اذكرنـي حبيبـي واقبـل الـورده هديـه

وشوف عيني يوم شفته لابس اصفر وش حلاه

كل هذا وبعد هذا كيـف ابـى انسـى هالبنيـه

لعن ابو درب الهـوى وليـت قلبـي مامشـاه

ليت قلبي قبل يعشـق ياخـذ مشـورة خويـه

بـس قلبـي لا ارادي يعشـق ويهـدي بـلاه

والنهايـه ياحروفـي مابقـى بـي مقـدريـه

باختم القصـه واسافـر وليتنـي انسـى هـواه